Slêjchte weêg en ‘nen donderpreek – Welly van Nieuwenhoven
Di-j minse van vreuger, di-j motte vae danke,
vör waat ze vör Doospel hebbe gedaon
Huuër van vèrremes klokke lowwe,
Det gelow kumtj oet Ni-jwieërt.
De minse di-j kome vôl vertrowwe
Want zoeë waasj eur toch gelieërdj.
Doospel det haaj tow nog gein kêrk,
De minse di-j mooste d’r veul vör doon
(2x) um eur pli-jchte te vervulle,
Um nao de kêrk te gaon
Kih dao, dao kome ze aangegânge,
Over daen ongeliêke diêk,
Ze hebben hi-j dek veul doorstânge,
Tot over eur înkels door de sliêk.
Thies en Truj, Perjân en Drieka,
Ze zeen d’r allemaol weer bi-j
(2x) En dao komen al di-j ânger,
‘t ès ‘n alike litteni-j,
Truus di-j zawgt tow tege Drieka,
Waasj mer net zoeê lieêlik wieêt.
‘t Es mien pli-jcht en daorum gaon ich,
Mer eigelik heb ich geinen tiêd.
De koeëj vôl jong, ‘n zoog met bagke,
Wat heunderkes en ‘n bôntje geit
(2x) di-j vraoge allemaol um verzörging,
Det ès toch ‘n vaststaondj feit
Perjân dae zawgt tow tege Thieske,
Thies eur wiêf det heet geliêk,
Haaje ve un eige kêrk,
Dan wore vae de keuning nog te riêk.
Mêrge dan gaon ve nao d’n busschop,
Det ès ‘ne gesprieëkelike mins
(2x) en dan gaon vae eum vertelle,
Van oôze allergroeëtste wîns
Boermans kwaam en onger eur dri-jje,
Ginge ze dae lange slêjchte weêg.
Ze waore kwaolik hâlverweêge,
Tow woort d’n busschop lieëlik meug.
Mins genaoje zawgt d’n busschop,
Det ès intrîntj neet um te doôn.
Binnekort dan kri-jjen ‘n kêrk,
En hâlverweêge dao mót ze staon
Binnekort dan kri-jjen ‘n kêrk,
En hi-j wao die koel es, dao mót ze staon
Doospel det woort haost gek van blî-jdschap,
ze dânzjen allemaol almer rôndj,
en begooste mer vast te teêchele,
en haaldje eîkebuim vörre grôndj,.
De mansluj di-j kwoome met schöp en krukker,
Di-j smeête de koel tow hieël gaw tow.
(2x) tow kooste ze seffes voort beginne,
Met eure nowwe kêrkebouw
Kooste di-j minse hî-j nôw kieke,
Ze zooje zegke dès ideaal
En nog altiêd hâlverweêge,
Dao prijktj nôw oze kathedraal.
Hi-j op Doospel dao wille vae woeëne,
Hî-j hebbe vae ‘n good bestaôn
(2x)
Di-j minse van vreuger, di-j motte vae danke,
vör waat ze vör Doospel hebbe gedaon
….Vör waat ze vör Doospel hebbe gedaôn